Gisting

Í Skagafirði er fjölbreytt úrval af gistimöguleikum sem veita þér einstaka upplifun og tryggir góðan nætursvefn.

35 Niðurstöður

Gisting á sveitabæ. Í boði er Leifshús sem er þriggja herbergja íbúðarhús með heitum potti, Gestahús efri hæð sem er sumarhús með 2 herbergjum og Gestahús neðri hæð sem er lítil íbúð. Hægt er að velja um uppbúið rúm eða svefnpokapláss. Á bænum eru 65 mjólkurkýr, kindur, geitur, hestar, hænur og íslenskir fjárhundar.

https://keldudalur.is 4536233

Lýtingsstaðir

Lýtingsstaðir bíður upp á gistingu í þremur gestahúsum (20fm og 41fm) sem hýsa 4-6 manns. Lýtingsstaðir er staðsett 19km frá þjóðveg 1, sunnan við Varmahlíð og beint fyrir neðan Mælifellshnjúkinn. Í húsunum er sér baðherbergi með sturtu. Einnig lítið eldhús með tveimur hellum, ísskáp og brauðrist, pottar og leirtau. Setlaug er á milli húsanna þriggja. Á bænum er boðið upp á stuttar hestaferðir fyrir vana og óvana og hægt er að skoða torfhesthúsið með sýningu t.d. á gömlum reiðtygjum.

https://www.lythorse.is 4538064

Grand-Inn Bar and Bed

Grand-Inn Bar and Best gistihús er með fimm 2 manna herbergi (2 hjóna og 3 twin). Húsið hefur upp á að bjóða fullbúið eldhús, þvottavél og þurrkara, sjónvörp í öllum herbergjum, frít WiFi, sameiginlegt bað og auka WC. Ekki er verra að bar bæjarins er við næstu dyr. Opið allt árið - endilega hringið til að fá gott verð. Það er hægt að fá sér verð fyrir hópa sem bóka allt húsið (í minnst 2 nætur)

Aðalgata 19

https://www.facebook.com/GrandinnBarandBed 8445616

Langamýri

Á Löngumýri er mjög góð aðstaða til lengri eða skemmri dvalar. Gisting er fyrir 26 manns í 15 herbergjum, 4 eins manns og 11 tveggja manna. Herbergin eru með sameiginlegum snyrtingum, en þær eru margar svo aðeins eru tvö herbergi um hverja þeirra. Að auki er íbúð á efri hæð í gamla húsi sem möguleiki er á að nýta ef á þarf að halda. Bjartur og rúmgóður matsalur fyrir 100 manns. Kapella og fundarsalur ásamt notalegri setustofu skapa heimilislega umgjörð.

https://www.facebook.com/Langamýri-Fræðslusetur-kirkjunnar 4538116

Hótel Tindastóll & Annex

Njótið rómantískrar dvalar á einu elsta hóteli landsins, Hótel Tindastóli (hótel síðan 1884), þar sem andi liðinna tíma svífur yfir vötnunum. Hótelið var tekið til gagngerar endurgerðar árið 2000 og eru þar nú 10 herbergi með baði í gömlum og rómatískum stíl og 10 í nútímastíl en allt með nútíma þægindum; sjónvarpi, interneti. Í hótelgarðinum er hlaðin laug þar sem hótelgestir geta átt notalega stund í kvöldkyrrðinni. Hótelið er vel staðsett rétt við aðalgötuna í gamla bænum á Sauðárkróki. Í næsta nágrenni við hótelið er margt að finna s.s 3 veitingastaði, bakarí, sögu- og fuglaskoðunar ferðir út í Drangey, Minjahús, gólfvöll og góðar gönguleiðir.

https://www.arctichotels.is 4535002

Hótel Varmahlíð

Huggulegt 19 herbergja hótel í Varmahlíð. Öll herbergin eru með sér baðherbergi og uppábúnum rúmum. Góð wifi tenging er á öllu hótelinu. Morgunverður er innifalinn í verðum. Hótelið er vel staðsett, bæði fyrir gesti sem eru á ferðinni norður eða suður og einnig fyrir þá sem vilja dvelja í Skagafirði og njóta alls þess sem fjörðurinn hefur upp á að bjóða.

https://hotelvarmahlid.is 4538170

Ferðaþjónustan á Hólum í Hjaltadal

Ferðaþjónustan á Hólum býður upp á gistingu, í uppbúnum rúmum eða svefnpokagistingu. Hólar í Hjaltadal eru meðal merkustu sögu- og menningarstaða landsins, enda fjölsóttir af ferðamönnum. Einkum eru það sagan, náttúrufegurðin og Hóladómkirkja sem heilla, auk þess sem sem staðurinn skipar ákveðinn heiðurssess í hugum aðdáenda íslenska hestsins víða um heim.

https://www.visitholar.is 4556333

Hofsós Gistiheimili

Við erum með gistingu í Sunnubergi sem er gistiheimili með 5 herbergjum 4x2ja manna og 1x1manns öll með baði, ekki eldunaraðstaða, sjónvarpskrókur þar sem hægt er að hella á kaffi. Prestbakki, þar er gisting bæði í uppábúnum rúmum og svefnpoka, sameiginleg stofa og eldhús, hentar vel fyrir fjölskyldur og hópa.

4537434

Glæsibær

Lítið gistiheimili á bænum Glæsibæ, 10 mín. akstur sunnan við Sauðárkrók í Skagafirði. Á bænum er stundaður búskapur með sauðfé og hross, andrúmsloftið er heimilislegt og hlýlegt. Fjölbreyttir útivistarmöguleikar sumar sem vetur. Gönguleiðir. Fuglaskoðun. Kjörinn dvalarstaður til skoðunarferða um fallegt, söguríkt hérað. Í húsinu er tvö tveggja manna herbergi og 2 eins manns með sameiginlegu baðherbergi. Vel búið eldhús og rúmgóð borðstofa. Verönd með heitum potti og grilli. Frítt þráðlaust netsamband er í öllu húsinu.

https://glaesibaer.blogspot.com/8925530

Hótel Mikligarður

Hótel Mikligarður er sumarhótel staðsett í heimavist Fjölbrautaskólans Norðurlands vestra á Sauðárkróki. Hér eru í boði 65 herbergi með baði (einstaklings, tveggja-, þriggja manna eða fjölskylduherbergi). Þráðlaust net er að finna í hverju herbergi og er sjónvarpsstofa á hverri hæð. Boðið er upp á morgunverðarhlaðborð á hverjum morgni og er vínbar að finna í anddyri hótelsins. Starfsfólk okkar aðstoðar þig síðan eftir besta megni við að skipuleggja dvöl þína hér í fríinu og gera hana sem ánægjulegasta.

https://www.arctichotels.is 4535002

Mikligarður Gistiheimili

Gistiheimilið Mikligarður er vel staðsett rétt við Aðalgötuna í gamla bænum á Sauðárkróki. Hér eru 14 herbergi í boði; 2 með sér baði og 12 með sameiginlegri bað- og snyrtiaðstöðu. Sjónvarp og þráðlaust net er í hverju herbergi. Gestir okkar hafa einnig aðgang að eldhúsi og setustofu með sjónvarpi.

https://www.arctichotels.is 4535002

Hestasport Sumarhús

Fyrirtækið Hestasport býður gistingu í sumarhúsum við Varmahlíð, allt frá 35 fermetra "stúdío" húsum upp í 50 fermetra hús með herbergjum og svefnlofti, bæði í uppbúnum rúmum og svefnpokaplássi . Öll húsin eru með eldunaraðstöðu. Húsin standa í hring um upphlaðinn heitan pott sem myndar einskonar torg í miðri húsþyrpingunni

https://www.riding.is 4538383

Karuna Guesthouse

Karuna Guesthouse er fjölskyldurekið gistiheimili staðsett við þjóðveg 75, mitt á milli Varmahlíðar og Sauðárkróks. Við erum staðsett á sveitabæ og bjóðum upp á stórkostlegt útsýni, hesta á beit, hænur á vappi og nokkra hunda að leik. Gistiheimilið telur 10 herbergi, fimm 2ja manna með sameiginlegu baðherbergi og fimm stærri herbergi með sér baðherbergi sem rúma allt upp í 5 manna fjölskyldu. Það er sameiginlegt eldhús og borðstofa fyrir öll herbergin.

https://www.karuna.is 6181917

Gistihúsið Himnasvalir

Gistihúsið Himnasvalir er á Egilsá í Norðurárdal í Skagafirði. Gestgjafar ykkar eru Jóhann R. Jakobsson og fjölskylda. Við bjóðum upp á persónulegt viðmót og fjölbreytta aðstöðu, sem hentar einstaklingum, fjölskyldum og hópum í fallegu umhverfi Norðurárdals.

https://www.jrjsuperjeep.com/4538219

Tröð

Í boði er gisting í sumarhúsi við þjóðveg 75. Um 5 km frá Sauðárkróki. Stærð 26 fm + verönd 9 fm. Herbergi með tvíbreiðu rúmi, opið rými með tvíbreiðum svefnsófa og eldunaraðstöðu, og snyrting með sturtu. Rúmföt, sængurföt, handklæði og borðbúnaður fylgir.

https:// www.gestahus.com 4535225

Brúnastaðir

Brúnastaðir er býli sem staðsett er við utanverðan Tröllaskaga, mitt á milli Hofsós og Siglufjarðar. Þar er fjölskyldurekið bú með ferðaþjónustu. Leigð eru út tvö stór hús í heilu lagi sem að hafa 10 rúm hvort um sig. Heitir pottar eru við bæði húsin. Mjög fjölskylduvænt umhverfi þar sem húsunum fylgir aðgangur að litlum dýragarði og frjáls aðgangur að tveimur 'sit on top' kajökum á Miklavatn sem er skammt frá. Tröllaskaginn er paradís fyrir útivistarfólk með ótal gönguleiðum í fögru umhverfi. Stutt í skemmtileg söfn og veitingastaði á Siglufirði og Hofsósi.

https://www.brunastadir.is 4671020

Syðsta-Grund

Velkomin á slóðir Sturlunga og Ásbirninga. Smáhýsi er 25 fm, með gistiplássi fyrir 4-5 manns og hægt að leigja í einn sólarhring eða lengur. Útbúið öllum nútímaþægindum í skjólsælu umhverfi.

https://www.sydsta-grund.is/4538262

Lambanes-Reykir

Um er að ræða einbýlishús sem er 155 fm á einni hæð með dásamlegu útsýni yfir Miklavatn. Gistipláss fyrir 10 manns í rúmum, einnig er svefnsófi og dýnur fylgja húsinu. 5 tveggja manna svefnherbergi með fataskápum, 2 baðherbergi, gott eldhús með uppþvottavél og borðbúnaði fyrir allt að 20 manns, rúmgóð borðstofa og stofa. Heitur pottur, gasgrill, sjónvarp, DVD og frítt netsamband.

4671020

Tjaldsvæðið í Varmahlíð

Draumasvæði fjölskyldunnar. Svæðið er sunnan til í Reykjarhóli sem er skógi vaxinn og því mjög skjólgóður. Tjaldsvæðið er í misstórum básum sem eru afmarkaðir með trjábeltum. Friðsæll og notalegur staður með snyrtilegum salernum, heitu og köldu vatni, rafmagni og losunarstað fyrir ferðasalerni. Á tjaldstæðinu sjálfu er svokallaður æslabelgur sem börn geta skemmt sér á tímunum saman. Tveir fótboltavellir eru við tjaldsvæðið og aðeins 250m ganga eftir fallegum skógarstíg að sundlauginni í Varmahlíð. Athugið að tjaldstæðin í Varmahlíð, Hofsósi, Hólum og á Sauðárkróki eru í samstarfi svo seinni náttar afsláttur gildir einnig þegar fólk flytur sig á milli svæða gegn framvísun miða eða greiðslukvittunnar.

https://www.tjoldumiskagafirdi.is 8993231

Brekkukot

Brekkukot ,,sælureitur í sveit" stendur á einkalóð á jörðinni Stóru Ökrum í Blönduhlíð, Skagafirði. Afleggjarinn að húsinu er um 2 km. frá þjóðvegi nr. 1 þar sem vegvísir er. Ekið er í gegnum hlað á Stóru-Ökrum og upp til fjalls.

https://www.brekkukot561.is 6996102

Tjaldsvæðið á Hofsósi

Tjaldstæðið á Hofsósi er staðsett við hliðina á grunnskólanum á Hofsósi. Þar er nýlegt salernishús með sturtu og útivöskum. Hægt er að kaupa rafmagn á svæðinu og losa ferðasalerni. Svæðið er mjög fjölskylduvænt. Hoppubelgur, aðaróla og fleiri leiktæki eru staðsett við hlið tjaldsvæðisins auk þess sem hin margverðlaunaða sundlaug á Hofsósi er aðeins í nokkurra mínútna göngufjarlægð. Gaman er að rölta niður á höfninna, skoða stuðlabergið eða borða á veitingastöðum bæjarins.

https://www.tjoldumiskagafirdi.is 3548993231

Tjaldsvæðið á Sauðárkróki

Tjaldstæðið á Sauðárkróki er staðsett í miðju bæjarins við hliðina á sundlauginni og hoppubelg fyrir börnin. Stórt og gott þjónustuhús er á svæðinu, með sturtum, heitu og köldu vatni og þvottavél og þurrkara. Hægt er að kaupa rafmagn og tæma ferðasalerni. Stutt er í alla helstu þjónustu, ss. sundlaug, verslanir, söfn, veitingastaði, golfvöll og fleira. Ath: Tjaldstæðin á Sauðárkróki, Hofsósi, Hólum og Varmahlíð eru í samstarfi svo seinni nátta afsláttur fæst einnig á þeim svæðum færi fólk sig á milli.

https://www.tjoldumiskagafirdi.is 3548993231

Frostastaðir

Við bjóðum gistingu í tveimur íbúðum í fallega uppgerðu íbúðarhúsi. Önnur íbúðin er studio íbúð í risi sem rúmar þrjá í gistingu (tvöfalt rúm og svefnsófi). Þar er sér baðherbergi og eldunaraðstaða. Útsýnið er mjög fallegt. Í hinni íbúðinni eru tvö tveggja manna herbergi sem deila baðherbergi. Hægt er að leigja herbergin hvort um sig eða saman. Einnig er þar rúmgott eldhús, vel búið tækjum og falleg setustofa.

https://www.frostastadir.is 8482020

Puffin Palace Guesthouse

Puffin Palace gistiheimili er í hjarta gamla bæjarins á Sauðárkróki og býður upp á samtals fimm rúmgóð og þægileg herbergi fyrir allt að tíu manns á Aðalgötu 14. Herbergin eru með sameiginlegri snyrtingu og sturtuaðstöðu ásamt fullbúinni eldhúsaðstöðu. Frí nettenging. Lyklabox við inngang.

https://www.facebook.com/puffinpalace/3546907200

Bændagisting á Hofsstöðum

Bændagistingin á Hofsstöðum býður ferðamönnum upp á að eiga notalega dvöl í fögru umhverfi miðsvæðis í Skagafirði þar sem nær jafnlangt er til allra þéttbýlisstaða í Skagafirði. Frá Hofsstöðum er fallegt útsýni yfir fjörðinn og stutt í áhugaverða staði og fjölbreytta afþreyingu. Í boði eru 4 tveggja manna rúmgóð herbergi með baði. Útvegum barnarúm sé þess óskað. Verönd er umhverfis húsið og aðgangur er að seturstofu og sólstofu með frábæru útsýni til lands og sjávar. Góð staðsetning til að eiga notalegt frí í Skagafirði og til ferðalaga á Norðurlandi.

https://www.hofsstadir.is 4537300

Gistiheimilið á Reykjum á Reykjaströnd

Í gistihúsinu á Reykjum bjóðum við upp á 4 tveggjamanna herbergi. Í húsinu er stórt eldhús sem gestirnir geta notað. Á hinum einstaka stað Reykjum á Reykjaströnd er að finna margvíslega þjónustu og afþreyingu fyrir ferðamenn. Má þar nefna gistingu í gistiheimilinu, tjaldsvæði, kaffihús og hina rómuðu náttúrulaug Grettislaug. Skemmtilegar gönguleiðir eru í kringum svæðið og fuglalíf fjölbreytt

4536503

Sölvanes

Sölvanes er lítið fjölskyldufyrirtæki þar sem við bjóðum upp á gistingu fyrir allt að 10 manns í eldra íbúðarhúsi. Við erum 21 km sunnan við Varmahlíð, við veg 752. Í gestahúsinu eru 4 herbergi og 2 sameiginleg baðherbergi. Sameiginlegt eldhús með eldavél, bakarofni og öllu því helsta og grill á staðnum. Gönguleiðir beint upp frá bænum og í nágrenninu. Stutt í ýmsa afþreyingu s.s. hestaleigu og flúðasiglingar. Góð tenging við Kjalveg og Sprengisandsleið. Sauðfjárbú, sveitaheimsóknir og afurðir seldar á staðnum beint frá býlinu. Bókið á solvanes.is eða hafið samband. Verið velkomin!

https://www.solvanes.is 4538068

Stóra-Seyla

Á Stóru-Seylu skammt norðan Varmahlíðar er í boði lúxus gisting í einu tveggja manna herbergi. Sloppar, handklæði og sápur fylgja. Sjónvarp og frír aðgangur að interneti. Aðgangur að heitum potti. Frábært útsýni yfir eylendi Skagafjarðar. Landnámshænur og hestar á bænum.

https://www.stora-seyla.is 8669920

Syðra-Skörðugil

Gisting fyrir fjóra í rúmgóðu fjölskyldu herbergi. Sameiginlegt baðherbergi. Eitt tvíbreitt rúm og koja. Morgunverður innifalinn. Gisting fyrir tvo í rúmgóðu herbergi. Tvo tvíbreið rúm. Sameiginlegt baðherbergi. Morgunverður innifalinn.

https://sydraskordugil.is 8938140

Helluland Farm Guesthouse

Gestahúsið okkar er fyrir allt að 10 manns en rúm fyrir 9, það er sameiginlegt baðherbergi og eldhús. Það er staðsett við hliðina á húsinu okkar og það er ávallt velkomið að líta við fyrir frekari upplýsingar. Það er í boði að koma með okkur í húsin til að skoða dyrin okkar eins og hestar, kindur, geitur, hænur, kanínur og kisu.

https://www.icelandhorsetours.com 8478577

Gistiheimilið Gimbur

Gimbur er staðsett nyrst á Tröllaskaga mitt á milli Hofsóss og Siglufjarðar. Fjöldi gönguleiða bæði til fjalla og við hafið og mjög fjölbreytt fuglalíf. Í húsinu er fyrirmyndar aðstaða fyrir allt að 20 manns, með heitum potti, samkomusal, góðu eldhúsi og grilli. Sólin sest ekki í 3 vikur á sumrin. Á veturna er staðurinn frábær fyrir skíðafólk og stjörnu og norðurljósa.

https://www.reykjarholl.is 8993183

Tjaldsvæðið á Reykjum á Reykjaströnd

Á hinum einstaka stað Reykjum á Reykjaströnd er að finna margvíslega þjónustu og afþreyingu fyrir ferðamenn. Má þar nefna gistingu í gistiheimilinu, tjaldsvæði, kaffihús og hina rómuðu náttúrulaug Grettislaug. Skemmtilegar gönguleiðir eru í kringum svæðið og fuglalíf fjölbreytt.

3544536506

Sóti Lodge

Sóti Lodge býður viðskiptavinum gæðagistingu í Fljótum í hjarta Tröllaskaga, í sögulegu skólahúsi með útsýni yfir náttúru Fljóta frá strönd til tinda. Við leggjum áherslu á gestrisni, gæði og ábyrga ferðaþjónustu og bjóðum þægilega gistingu með hálfu fæði innifalið, þar sem lögð er áhersla á að nýta hráefni úr nærbyggðum.

http://www.sotilodge.is 4215500

Tjaldsvæðið á Hólum

Tjaldstæðið á Hólum er eitt af fallegustu tjaldsvæðum landsins, enda umlukið skjóli af trjám og fallegri náttúru. Tjaldstæðið er ekki búið nútímaþægindum eins og rafmagni og hentar því ekki öllum ferðalöngum. Svæðið er fullkomið fyrir þá sem ekki bundnir af rafmagni og vilja njóta tengingar við náttúru og menningu. Svæðið er hólfa skipt og getur verið erfitt að komast um með löng húsi í eftirdragi. Tjöld, tjalvagnar og húsbílar eiga hinsvegar ekki að vera í vandræðum. Ótal gönguleiðir eru um skóginn og fjöllinn í kring.

https://www.tjoldumiskagafirdi.is 3548993231

Gamla Pósthúsið

Gamla Pósthúsinu á Sauðárkróki hefur verið breytt í tvær glæsilegar leiguíbúðir. Vel staðsettar íbúðir í göngufæri við bakarí, veitingastaði, söfn og höfnina. Nánari upplýsingar má finna á heimasíðu okkar.

https://www.ausis.is 3548923375

Gisting

Upplýsingar

Veglengdir

Valmynd