Heimili Norðursins

Visit Skagafjörður

Matvælahéraðið Skagafjörður

Í Skagafirði er öflug og fjölbreytt matvælaframleiðsla. Allt árið um kring eiga ferðamenn á leið um Skagafjörð þess kost að nálgast fjölbreytt úrval af skagfirskri matvöru á veitingastöðum, í verslunum eða jafnvel á mörkuðum og beint frá bændum. Leitið að merki Matarkistunnar Skagafjarðar og bragðið brot af því besta í skagfirskri matargerð.

Saga við hvert fótmál

Skagafjörður státar af ríkulegum menningararfi og fornfrægum sögustöðum en allt frá landnámstíð hefur Skagafjörður gegnt mikilvægu hlutverki í sögu lands og þjóðar.

Norðurstrandarleið

Norðurstrandarleið liggur í gegnum Skagafjörð. Norðurstrandarleið er 900 km leið sem liggur um strendur norðurlands frá Hvammstanga í vestri til Bakkafjarðar í austri. Norðurstrandarleið snýr baki við troðnum slóðum og beinir ferðamanninum inn á hið fáfarna og afskekkta – að kanna norðurströnd Íslands í næsta nágrenni við heimskautsbauginn.

Sæktu Appið

Í Visit Skagafjörður appinu er að finna alla þá afþreyingu og þjónustu sem Skagafjörður hefur uppá að bjóða. Hægt er að nálgast opnunartíma og verð fyrirtækja allt á einum stað. Frábær ferðafélagi á ferð um Skagafjörðinn.